Month: April 2018

កុំភ្លេចធ្វើអោយបានរាល់ថ្ងៃ!

អស់សង្ឈឹម? ធុញធប់? រសាប់រសល់តប់ប្រមល់ក្នុងចិត្ត? ខ្លាច? អារមណ្មមិននឹងន? ស្តាយក្រោយរឿងអ្វីមួយ? ខឹងខ្លួនឯងឬខឹងអ្នកដទៃជុំវិញខ្លួន? ចូរសាកអនុវត្តចំនុចខាងក្រោមលមើល ក្រែងវាអាចធ្វើអោយអ្នករសាយចិត្ត សប្បាយរីករាយ មានជីវិតជីវាឡើងវិញ ។ ធ្វើបានរាល់ថ្ងៃ វាអាចជួយតំរែតំរង់ផ្លូវទៅរកជោគជ័យបាន ព្រោះបើអ្នកចង់បានជោគជ័យ ចង់ផ្លាស់ប្តូរធ្វើខ្លួនឲប្រសើរ វាត្រូវតែចាប់ផ្តើមពីយើងម្នាក់ៗធ្វើអ្វីជាមុនសិន ។ បានឡើងបុណ្យឡើងស័ក្ត បានឡើងប្រាក់ខែ បានការងារថ្មី មានទំនាក់ទំនងស្នេហាផ្អែមល្ហែមល្អូកល្អឺន វាជាលទ្ធផលដែលកើតចេញពីយើងម្នាក់ៗយ៉ាងពិតប្រាកដ ។ ញញឹមអោយបានច្រើន (ញញឹមច្រើនកើនអាយុ បង្កើនកំលាំង ធ្វើអោយចិត្តក្លាហាន ពង្រឹងទំនុកចិត្តលើខ្លួនឯង) គេងអោយគ្រប់គ្រាន់ (៨ម៉ោង ជាការណែនាំដែលយើងដឹងឮទូទៅ តែអ្នកខ្លះមិនត្រូវការ៨ម៉ោងទេ បួនប្រាំម៉ោងក៏គ្រប់គ្រាន់ដែរ) កុំមើលទូរទស្សន៏ច្រើនពេក (ព្រោះវាមានតែធ្វើអោយកាន់តែឯកោ កាន់តែេវទនាផ្លូវចិត្តណឹងឯង) កុំហូបអាហារដែលប៉ះពាល់សុខភាព (ព្រោះវាជាដើមចមនាំមកនូវជំងឺបេះដូង ទឹកនោមផ្អែម… Read More ›

គិតពីខ្លួនឯងមុនល្អឬអាក្រក់?

តើមានអ្នកណាកំពុងអស់សង្ឈឹមខ្លាំងនឹងរឿងអ្វីមួយ? រឿងរកសុីខាត រឿងស្នេហាបែកបាក់ រឿងមិត្តភ័ក្រ្តឈប់រាប់រក ឬរឿងរ៉ាវផ្សេងៗ រហូតដល់ថ្នាក់ បាយមិននឹកទឹកមកស្រេក ឬធំរហូតដល់ចង់សំលាប់ខ្លួនដែរឬទេ? បើមាន កុំអាលគិតខ្លី ។ ឬតើមានអ្នកណាដែលកំពុងរិះរកផ្លូវជីវិតសមស្របសំរាប់ដើរទៅមុខ តែកំពុងមិនដឹងត្រូវចេញដំនើរពីណាទេ? បើមាន កុំអាលអស់សង្ឈឹម សូមងាកមកស្តាប់ដំបូន្មានរបស់លោក James Altucher ទាំងអស់គ្នា ។ លោក ចេមស៏បានឆ្លងកាត់ឧបសគ្គជីវិតមិនធម្មតារាប់មិនអស់ ។ លោកធ្លាក់ខ្លួនរហូតចង់បព្ចាប់ជីវិតដោយ​សារអស់សង្ឈឹមកខ្លាំង ជាពិសេស​ ពេលលោកខាតប្រាក់រាប់លានដុល្លារក្នុងមុខរបរកសុីម្តងហើយម្តងទៀត ។ ក្នុងសៀវភៅរបស់លោក​ ដែលទទួលបានការនិយមចូលចិត្តនិងទទួលស្គាល់ដ៏ទូលំទូលាយពីមហាជនទូទៅ (Choose Yourself) លោកចេមស៏បានសរសេរបកស្រាយអំពីរឿងរ៉ាវជីវិតតស៊ូយ៉ាងច្រើន ។ តែចំនុចសំខាន់មួយដែលខ្ញុំចង់លើកយកមកចែករំលែកនៅទីនេះ​ គឺរឿងលោកទទូចសុំកុំឲយើងគ្រប់គ្នាអស់សង្ឈឹម ដោយសារបរាជ័យ ឬការខាតបង់ ឬបើគ្រាន់តែយើងមិនទាន់ដឹងត្រូវដើរតាមផ្លូវណាដើម្បីបានជោគជ័យនឹងគេនោះ ។  លោកចេមស៏លើកឡើងថា… Read More ›

ទូរទស្សន៏

តើអ្នកធ្លាប់គិតថា មើលទូរទស្សន៏ច្រើនឥតប្រយោជន៏ដែរឬទេ កាន់តែធ្វើឲយើងខាតពេលចោលទទេៗដែរទេ? បើធ្លាប់ តើអាចកាត់បន្ថយបានឬមិនបាន? សាកកុំមើលទូរទស្សន៏មួយថ្ងៃពេញទៅមើល តើវាយ៉ាងម៉េចដែរ? មានធូរអារម្មណ៏ខ្លះទេ? មានចំណេញពេលយកទៅធ្វើអ្វីផ្សេងដែលមានប្រយោជន៏ជាងណឹងឬអត់? សាកចាប់ផ្តើមពីថ្ងៃនេះទៅមើល ព្រោះយើងគ្រប់គ្នាប្រាកដជាបានដឹងពីតថភាពពិតរបស់ទូរទស្សន៏សម័យបច្ចុប្បន្នច្បាស់ហើយ ។ ជាទូទៅ វាដូចជាមិនផ្តល់ពត៌មាន ឬខ្លឹមសារ ឬគោលគំនិតអ្វីដែលល្អ ដែលអប់រំ ដែលប្លែក ដែលមានប្រយោជន៏អ្វីទេ! ជាក់ស្តែង កម្មវិធីភាគច្រើនគឺនិនាយវែងអន្លាយ វិភាគឡប់ឡែ អធិប្បាយគាំទ្រលើកជើងគណបក្សនយោបាយ ។ បើមិនអព្ចាឹងទេ និយាយតែពីរឿងអាស្រូវ ឬជីវិតឯកជនរបស់អ្នកនេះអ្នកនោះ តារានេះ តារានោះ ឬរឿងឃាដកម្ម រឿងកាប់រឿងចាក់សំលាប់គ្នា រឿងផិតក្បត់ស្នេហា ។ល។ និង ។ល។ រឿងល្អៗ កម្មវិធីអប់រំចំណេះដឹងសង្គមមានតិចតួចបំផុត ។ សាកធ្វើតាមលោក ហ្គ្រូឆូ… Read More ›